logo
connect
Oʼzbekiston Respublikasi Istiqbolli loyihalar milliy agentligi

Yangiliklar

foto

O‘zbekiston Respublikasida kripto-do‘kon faoliyatini amalga oshirish uchun birinchi litsenziyalar berildi

17.11.2022
6502

     O‘zbekiston Respublikasi Prezidenti boshchiligida mamlakatning ijtimoy-iqtisodiy rivojlanishning turli sohalarida, shu jumladan kripto-aktivlar bozorini rivojlantirish va huquqiy asoslarini yaratish sohasida keng qamrovli islohotlar olib borilmoqda.

     O‘zbekiston Respublikasi kripto-aktivlar aylanmasi sohasini tartibga solish bo‘yicha shakllantirilgan normativ-huquqiy bazasi mavjud bo‘lgan do‘nyodagi kam sonli davlatlaridan biri hisoblanadi.

     Xozirgi kunda, O‘zbekiston Respublikasi Istiqbolli loyihalar milliy agentligi (keyingi o‘rinlarda – Agentlik) tomonidan O‘zbekiston Respublikasi Prezidentining 2022 yil 27 apreldagi PF-121-son Farmoni, O‘zbekiston Respublikasi Prezidentining 2017 yil 27 iyuldagi “O‘zbekiston Respublikasi Istiqbolli loyihalar milliy agentligi faoliyatini tashkil etish to‘g‘risida”gi PQ-3150-son va 2018 yil 3 iyuldagi “O‘zbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari to‘g‘risida”gi PQ-3832-son qarorlari asosida Kripto-aktivlar aylanmasi sohasidagi xizmatlar provayderlari faoliyatini litsenziyalash tartibi to‘g‘risidagi nizomi (ro‘yxat raqami 3380, 2022 yil 15 avgust) va Kripto-do‘kon faoliyatini amalga oshirish qoidalari (ro‘yxat raqami 3395, 2022 yil 31 oktabr) ishlab chiqildi va qabul qilindi.

     Yuqorida ko‘rsatib o‘tilgan normativ-huquqiy hujjatlar asosida Agentlik tomonidan kripto-do‘kon faoliyatini amalga oshirish uchun “Crypto Trade NET” MCHJ va “Crypto Market” MCHJlarga birinchi litsenziyalar berildi. Tegishli ma’lumotlar litsenziyalarning elektron reyestriga belgilangan tartibda kiritilgan hamda Agentlikning rasmiy veb-sahifasida foydalanish uchun ochiq hisoblanadi.

     Shuni alohida taqidlash joizki, Crypto Trade NET” MCHJ va “Crypto Market” MCHJlar Markaziy Osiyo va MDH hududidagi birinchi kripto-do‘konlar bo‘ldi.

 

     Shuningdek, Agentlik fuqarolardan o‘ta hushyor bo‘lishlariga, O‘zbekiston Respublikasi hududida faoliyat yuritish uchun o‘rnatilgan tartibda litsenziyaga ega bo‘lmagan elektron platformalar xizmatlaridan foydalanmaslikka va ehtiyot choralarini ko‘rishlariga qat’iy da’vat etadi.