“Sug‘urta servis” мобиль иловасидан фойдаланилганда

O‘zbekiston Республикаси Истиқболли лойиҳалар миллий агентлигининг

Махфийлик сиёсати

      Ўзбекистон Республикаси Истиқболли лойиҳалар миллий агентлигининг (кейинги ўринларда Агентлик деб юритилади) “Суғурта сервис” мобиль иловасининг (Илова) мазкур Махфийлик сиёсати (Махфийлик сиёсати) Иловадан фойдаланиш пайтида фойдаланувчидан Агентлик олиши мумкин бўлган маълумотларга нисбатан амал қилади.

Махфийлик сиёсати фақат Иловага тааллуқлидир ҳамда фойдаланувчи Иловадан ҳаволалар орқали кириши мумкин бўлган учинчи шахсга тегишли сайтлар/хизматлар, шу жумладан учинчи шахслар томонидан қайта ишланган Фойдаланувчи тўғрисидаги маълумотлар учун жавобгар эмас ва уларни назорат қилмайди.

Агентлик Иловани бепул дастур сифатида тақдим этади. Агар Фойдаланувчи Иловадан фойдаланишга қарор қилса, у ушбу Махфийлик сиёсатига мувофиқ маълумотларни тўплаш ва ишлатишга розилик билдирган ҳисобланади. Биз тўплайдиган шахсий маълумотлар Иловани таъминлаш ва яхшилаш учун ишлатилади. Тўпланган маълумотлардан ушбу Махфийлик сиёсатида тавсифланган ҳолатлардан ташқари фойдаланилмайди ва улар ҳеч кимга тақдим этилмайди.

Жисмоний ёки юридик шахс (Фойдаланувчи) аризада суғурта хизматларини кўрсатиш учун сўров юбориш вақтида, мазкур шахсга доир маълумотларнинг махфийлик сиёсатини қабул қилади ва шахсга доир маълумотларига ишлов берилишига ўз розилигини беради.

Фойдаланувчини Иловада мазкур махфийлик сиёсатининг барча бандлари билан танишиши ва керакли белгини қўйиши – ушбу махфийлик сиёсатига унинг тўлиқ ва эътирозларсиз келишувини (Келишув) билдириши ва уларни қабул қилишини англатади.

1. Ахборотни тўплаш ва улардан фойдаланиш

        Махфийлик сиёсатини қабул қилиб, фойдаланувчи ўзининг шахсий маълумотларини Агентлик томонидан қайта ишлашга розилик беради. Бундай ҳолда, фойдаланувчининг шахсий маълумотлари суғурта хизматини кўрсатиш учун масъул бўлган ташкилотга ўзаро электрон ҳамкорлик йўли орқали юборилади ва қайта ишланади.

Фойдаланувчи Агентликнинг Ягона автоматлаштирилган ахборот тизимида шакллантирилган суғурта полисида фойдаланадиган шахсий маълумотларига ишлов беришга ўз розилигини беради.

Шахсга доир маълумотларга ишлов беришнинг мақсади:
a) id.egov.uz ягона идентификация тизими орқали авторизация сайтига кириш орқали Фойдаланувчини идентификация қилиш;
b) Фойдаланувчининг Иловадаги суғурта хизматларидан фойдаланишини таъминлаш.

Ариза берувчининг шахсга доир маълумотларига ишлов бериш мобайнида қуйидаги ҳаракатлар амалга оширилади:
a) идентификация;
b) фойдаланиш;
c) бериш;
d) узатиш;

Фойдаланувчининг шахсга доир маълумотлари мухофаза қилиниши Ўзбекистон Республикасининг “Суғурта фаолияти тўғрисида”ги қонунининг, Ўзбекистон Республикасининг “Транспорт воситалари эгаларининг фуқаролик жавобгарлигини мажбурий суғурта қилиш тўғрисида”ги қонунининг ва Ўзбекистон Республикаси Вазирлар Маҳкамасининг 2008-йил 24-июндаги “Транспорт воситалари эгаларининг фуқаролик жавобгарлигини мажбурий суғурта қилиш тўғрисида”ги Ўзбекистон Республикаси қонунини амалга ошириш чора-тадбирлари ҳақида”ги 141-сон қарорига ва шундай муносабатларни тартибга солувчи бошқа норматив ҳужжатларга мувофиқ таъминланади.

Фойдаланувчи ўзи кўрсатган шахсга доир маълумотлар шахсан ўзига тегишлилигини тасдиқлайди.

Иловадан фойдаланишда фойдаланувчи қурилмасидан олиниши мумкин бўлган маълумотларнинг мазмуни ва уни олиш мақсади:

- фойдаланувчи қурилмасининг жойлашуви ҳақида маълумот.

Мақсад: Иловадан фойдаланганда, шу жумладан ички ишлар органи ходимларининг иштирокисиз йўл транспорт ҳодиса тўғрисидаги хабарномани тўлдиришда фойдаланувчини мастлик ҳолатини аниқлаш учун тиббий муассасалар, уларнинг филиаллари ва пунктлари жойлашган жойи, шунингдек, фойдаланувчининг жойлашган жойи тўғрисида хабардор қилиш.

- Қурилма камераси ёрдамида олинган фотосуратлар ва видеолар.

Мақсад: Илова томонидан тақдим этиладиган хизматларнинг бир қисми сифатида фотосуратлар олиш ва улардан фойдаланиш, шу жумладан Иловада фойдаланувчи профилидаги фотосуратларни яратиш ва сақлаш, суғурта полисларини ўқиш учун фото тасвирлар ва штрих кодларни олиш ва улардан фойдаланиш, ички ишлар органи ходимларининг иштирокисиз йўл транспорт ҳодиса тўғрисидаги хабарномани тўлдиришда Илова фойдаланувчиларини боғлаш ва воқеа жойи, етказилган зарар, баҳолаш ҳисоботи ва тиббий маълумотноманинг фотосуратларини қўшиш ва суғурта тўловини олиш учун ариза беришда.

- Операцион тизим версияси ва қурилма модели ҳақида маълумот.

Мақсад: Илованинг ишлашидаги мумкин бўлган хатоларни таҳлил қилиш ва Илованинг ишлашини яхшилаш. Таҳлил қилиш мақсадида Агентлик операцион тизим ва қурилма модели маълумотларини аноним шаклда хизмат кўрсатувчи провайдерлар билан бўлишиши мумкин.

- Фойдаланувчининг ИП манзили ва кириш нуқтаси манзили ҳақида маълумот.

Мақсад: Иловадан фойдаланишда фойдаланувчи хавфсизлигини ошириш.

- Қўнғироқларни амалга оширишга рухсат бериш.

Мақсад: ёрдам сўраш ёки Агентликка мурожаат қилиш учун иловадан фойдаланган ҳолда фойдаланувчидан аудио қўнғироқларни амалга оширишга имкон бериш.

Агентлик фойдаланувчи маълумотларини учинчи шахслар томонидан рухсатсиз кириш, фойдаланиш, нусхалаш ва тарқатишдан ҳимоя қилиш учун барча ташкилий ва техник чораларни кўради.

Фойдаланувчи маълумотлари амалдаги қонун ҳужжатлари талабларига мувофиқ давлат органларига тақдим этилиши мумкин.

2. Сookie

Cookie-файллар одатда аноним ноёб идентификатор сифатида ишлатиладиган кичик ҳажмдаги маълумотларга эга файллардир. Улар сиз ташриф буюрган веб-сайтлардан браузерингизга юборилади ва қурилмангизнинг ички хотирасида сақланади.

Ушбу хизмат ушбу Сookie-файллардан фойдаланмайди.

3. Хизмат кўрсатувчи провайдерлар

Биз қуйидаги сабабларга кўра учинчи томон компаниялари ва жисмоний шахсларни жалб этишимиз мумкин:

• Бизнинг Иловамизни осонлаштириш учун;
• Бизнинг номимиздан Хизматларни тақдим этиш;
• Илова билан боғлиқ хизматларни тақдим этиш; ёки
• Иловамиз қандай ишлатилишини таҳлил қилишда ёрдам бериш учун.

Биз ушбу илова фойдаланувчиларига ушбу учинчи шахслар шахсий маʼлумотларига кириш ҳуқуқига эга эканлигини маʼлум қилмоқчимиз. Сабаби, бизнинг номимиздан уларга юклатилган вазифаларни бажариш. Бироқ, улар маълумотни ошкор қилмасликлар ёки бошқа мақсадларда фойдаланмасликлар мажбуриятига эга.

4. Хавфсизлик

Бизга шахсий маʼлумотларингизни тақдим этишга боʻлган ишончингизни қадрлаймиз, шунинг учун уни ҳимоя қилиш учун тижорат нуқтаи назаридан мақбул воситалардан фойдаланишга ҳаракат қиламиз. Аммо шуни ёдда тутингки, Интернет орқали узатишнинг ҳеч қандай усули ёки электрон сақлаш усули 100% хавфсиз ва ишончли эмас ва биз унинг мутлақ хавфсизлигини кафолатлай олмаймиз.

5. Бошқа сайтларга ҳаволалар

Ушбу илова бошқа веб-сайтларга ҳаволаларни ўз ичига олиши мумкин. Агар сиз учинчи томон ҳаволасини боссангиз, сиз ўша сайтга йўналтириласиз. Шуни эътиборга олингки, бу ташқи сайтлар биз томондан бошқарилмайди. Шунинг учун биз ушбу веб-сайтларнинг Махфийлик сиёсатини кўриб чиқишингизни қатъий тавсия қиламиз. Биз учинчи томон сайтлари ёки хизматларининг мазмуни, махфийлик сиёсати ёки амалиёти устидан ҳеч қандай назоратга эга эмасмиз ва ҳеч қандай жавобгарликни ўз зиммамизга олмаймиз.

6. Болалар шахсий ҳаёти

      Биз болалардан атайлаб шахсий маълумотларни йиғмаймиз. Биз барча болаларни Илова ва/ёки Хизматлар орқали ҳеч қачон шахсий маълумотларни тақдим қилмасликка чақирамиз. Биз ота-оналар ва қонуний вакилларни фарзандларининг Интернетдан фойдаланишини кузатишга ва фарзандларига уларнинг рухсатисиз Илова ва/ёки Хизматлар орқали шахсий маʼлумотларни ҳеч қачон тақдим этмасликларини тарғиб қилган ҳолда, ушбу ушбу Махфийлик сиёсатини амалга оширишга ёрдам беришга чақирамиз. Агар бола бизга Илова ва/ёки Хизматлар орқали шахсий маълумотларни тақдим этганига ишончингиз комил бўлса, биз билан боғланинг.

7. Ушбу Махфийлик сиёсатига киритилган ўзгартиришлар

Агентлик napp.uz веб-сайтида ва/ёки Иловада Махфийлик сиёсатнинг янги версиясини жойлаштириш орқали ушбу Махфийлик сиёсатига ўзгартиришлар киритиш ҳуқуқига эга. Махфийлик сиёсатининг жорий версияси билан танишиб чиқиш мажбурияти фойдаланувчи зиммасида.

Шунга кўра, ҳар қандай ўзгаришлар учун вақти-вақти билан ушбу саҳифани кўриб чиқиш тавсия этилади. Ушбу саҳифада янги Махфийлик сиёсатини жойлаштириш орқали ҳар елқандай ўзгаришлар ҳақида сизни хабардор қиламиз.

Ушбу Махфийлик сиёсати ушбу саҳифада ва Иловада жойлаштирилган пайтдан бошлаб кучга киради ва Агентлик томонидан фойдаланувчини огоҳлантирмасдан ўзгартирилиши мумкин.

Биз билан боғланиш

Махфий сиёсатимиз бўйича саволлар ёки таклифларингиз бўлса, биз билан info@napp.uz электрон почта манзили ёки расмий napp.uz сайтимизда келтирилган телефон рақамлари орқали боғланишингиз мумкин.