2023 йил 21 июнда Истоқболли лойиҳалар миллий агентлиги (кейинги ўринларда – Aгентлик) томонидан Ўзбекистон Республикаси Президентининг 2018 йил 3 июлдаги “Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида”ги ПҚ-3832-сон қарори ва Агентлик директорининг “Крипто-активлар айланмаси соҳасидаги хизматлар провайдерлари фаолиятини лицензиялаш тартиби тўғрисидаги низомни тасдиқлаш ҳақида”ги буйруғига (рўйхат рақами 3380, 2022 йил 15 август) мувофиқ “LOCKTON HUB” МЧЖга Ўзбекистон Республикаси ҳудудида крипто-депозитарий фаолиятини амалга ошириш учун биринчи лицензия берилди.

“LOCKTON HUB” МЧЖ таъсисчиси “LOCKTON SOLUTION LLC-FZ” (Дубай, БАА), “LOCKTON HUB” МЧЖнинг техник ҳамкори “DISTRIBUTED LAB” компанияси ҳисобланади.

Тегишли маълумотлар лицензияларнинг электрон реестрига белгиланган тартибда киритилган ҳамда Aгентликнинг расмий веб-саҳифасида ушбу ҳавола орқали фойдаланиш учун очиқ ҳисобланади.