Истиқболли лойиҳалар миллий агентлигида Жаҳон банкининг Е-GATE лойиҳаси раҳбари Чиу Ниу бошчилигидаги делегацияси билан учрашув бўлиб ўтди.

Учрашувнинг асосий мақсади Ўзбекистонда Иқтисодий ривожланиш учун самарали бошқарув (EGED) мақсадли жамғармаси доирасида Е-GATE (Электрон тижорат орқали глобал киришни кенгайтириш) тадбирларини амалга оширишни қўллаб-қувватлашдан иборат.  

Йиғилишда Жаҳон банкининг Ўзбекистонда электрон тижорат соҳасидаги қонун ҳужжатларини ишлаб чиқишда кўмак бериши, электрон тижорат диагностикасини оммалаштириш, шунингдек, экспорт географиясини кенгайтириш мақсадида ўз маҳсулотларини электрон савдо майдончалари орқали сотишни ташкил этиш учун Жаҳон банки томонидан жалб этилган маҳаллий кичик ва ўрта корхоналар томонидан эришилган ижобий натижалар муҳокама қилинди.