Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикаси Истиқболли лойиҳалар миллий агентлиги томонидан “GLOBAL INSURANCE GROUP” АЖ CТнинг ҳисоботларини ўрганиш натижаларига кўра қонунчилик ҳужжатларида белгиланган меъёрларга риоя қилинмаганлик фактлари аниқланиб, натижада 35,0 млн. сўм миқдорида жарима солинди.
Шу билан бирга, Ўзбекистон Республикасининг “Суғурта фаолияти тўғрисида”ги Қонуни 47 ва 48-моддалари, “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 32-моддаси, Ўзбекистон Республикаси Вазирлар Маҳкамасининг 2022 йил 21 февралдаги 80-сонли қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги Ягона низомнинг 41-банди, Ўзбекистон Республикаси Истиқболли лойиҳалар миллий агентлигининг тегишли қарорига асосан “GLOBAL INSURANCE GROUP” АЖ CТга суғурта фаолиятини амалга ошириш бўйича берилган 2022 йил 25 февралдаги SF серияли 00035-сонли лицензия 2025 йил 8 октябрь санасидан бошлаб 10 кун муддатга тўхтатилди.
“GLOBAL INSURANCE GROUP” АЖ CТ лицензиясининг амал қилишини тўхтатиб туриш муддати даврида янги суғурта (қайта суғурта) шартномаларини тузиш, аввал тузилган суғурта (қайта суғурта) шартномаларини узайтириш таъқиқланади.
“GLOBAL INSURANCE GROUP” АЖ CТ илгари тузилган суғурта (қайта суғурта) шартномалари бўйича ўз зиммасига олган мажбуриятларни белгиланган тартибда бажариши шарт.
Шунингдек, суғурта хизматлари истеъмолчиларини лицензия амал қилиши тўхтатилганга сабаб бўлган камчиликлар бартараф этгунга қадар бўлган давр мобайнида суғурта шартномаларини расмийлаштирмаслик бўйича огоҳлантиради.
Идоравий мансуб ташкилотлар
