“EUROASIA INSURANCE” АЖ ҚКнинг молиявий ҳисоботларини ўрганиш натижаларига кўра қонунчилик ҳужжатларида белгиланган меъёрларга риоя қилинмаганлик фактлари аниқланди.

Ўзбекистон Республикасининг “Суғурта фаолияти тўғрисида”ги Қонуни 47 ва 48-моддалари, “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 32-моддаси, Ўзбекистон Республикаси Вазирлар Маҳкамасининг 2022 йил 21 февралдаги 80-сонли қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги Ягона низомнинг 41-банди ҳамда Ўзбекистон Республикаси Истиқболли лойиҳалар миллий агентлигининг тегишли қарорига асосан “EUROASIA INSURANCE” АЖ ҚКга суғурта фаолиятини амалга ошириш бўйича берилган 2022 йил 30 июндаги 031333-сонли лицензия 2024 йил 6 декабрь санасидан бошлаб 10 кун муддатга тўхтатилди.

“EUROASIA INSURANCE” АЖ ҚК лицензиясининг амал қилишини тўхтатиб туриш муддати даврида янги суғурта (қайта суғурта) шартномаларини тузиш, амалдаги суғурта (қайта суғурта) шартномаларини узайтириш таъқиқланади.

“EUROASIA INSURANCE” АЖ ҚК илгари тузилган суғурта (қайта суғурта) шартномалари бўйича ўз зиммасига олган мажбуриятларни белгиланган тартибда бажариши шарт.

Шунингдек, суғурта хизматлари истеъмолчиларини лицензия амал қилиши тўхтатилганга сабаб бўлган камчиликлар бартараф этгунга қадар бўлган давр мобайнида суғурта шартномаларини расмийлаштирмаслик бўйича огоҳлантиради.