Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикаси Истиқболли лойиҳалар миллий агентлиги томонидан “Central Depositary of Armenia” ОАЖ (Арманистон Республикаси) компанияси капитал бозори соҳасида “Тартибга солиш қумдони” махсус ҳуқуқий режими иштирокчиси сифатида рўйхатдан ўтказилди.
Хорижий иштирокчиларнинг Тартибга солиш қумдонига кириши қимматли қоғозлар бозорининг илғор хорижий амалиётини жорий этишга, хорижий инвесторларнинг маҳаллий капитал бозорига киришини енгиллаштиришга, Ўзбекистон Республикасига инвестицияларни жалб этишнинг янги шакл ва усулларини жорий этиш бўйича ҳуқуқий механизмларни ишлаб чиқишга кўмаклашади.
Маълумот учун: “Central Depositary of Armenia” ОАЖ (кейинги ўринларда – CDA) Арманистон Республикасида Қимматли қоғозларни ҳисобга олиш ва ҳисоб-китоблар ягона тизимининг оператори ҳисобланади. CDA фаолияти ISO 9001:2015 ва ISO/IEC 27001:2013 стандартларига мос келади. Депозитарий Thomas Murray (Буюк Британия) агентлиги томонидан берилган BBB рейтингига эга. Бундан ташқари, CDA Миллий рақамлаш агентликлари ассоциацияси (ANNA) аъзоси ҳисобланади ва Евроосиё марказий депозитарийлари ассоциацияси (AECSD) таркибига киради.
Идоравий мансуб ташкилотлар
