O‘zbekiston Respublikasi Istiqbolli loyihalar milliy agentligi -
kripto-aktivlar aylanmasi, kapital bozori, sug‘urta, elektron tijorat, lotereya tashkil etish va bukmekerlik faoliyati sohalarini tartibga solish, litsenziyalash va ruxsat berish tartib-taomillarini amalga oshirish bo‘yicha vakolatli davlat tashkiloti.
IFIGS sug‘urtani kafolatlash sxemalarining XII xalqaro forumida (Ostona, Qozog‘iston) O‘zbekiston Sug‘urta to‘lovlarini kafolatlash jamg‘armasiga IFIGS xalqaro assotsiatsiyasiga a’zolik sertifikati topshirildi.
Ta’kidlash joizki, MDH davlatlari orasida O‘zbekiston va Qozog‘iston ayni damda IFIGSning to‘laqonli a’zolari bo‘lib, bu ikki davlatning sug‘urta to‘lovlari kafolatlari bo‘yicha xalqaro professional hamjamiyatdagi roli ortib borayotganidan dalolat beradi.
Maqsadlaridan biri raqamli transformatsiya va global o‘zgarishlar sharoitida kafolat tizimlari sohasida ilg‘or tajribalarni muhokama qilish va almashish uchun xalqaro muloqot platformasini yaratish bo‘lgan Forum ishida Yevropa, Osiyo, Shimoliy Amerika, Yaqin Sharq va Afrikaning 26 davlati vakillari ishtirok etdi.
Tadbir doirasida xalqaro kafolat tizimlarining dolzarb muammolari, ularning tendensiyalari va zamonaviy chaqiriqlarga bag‘ishlangan muhokama va panellar sessiyalari bo‘lib o‘tdi.
Forum doirasida O‘zbekiston sug‘urta bozori, uni rivojlantirishning asosiy tendensiyalari, sug‘urtalangan shaxslarning huquqlarini himoya qilish va sohani raqamli transformatsiyalash sohasidagi amalga oshirilayotgan islohotlar va ustuvor yo‘nalishlar taqdimoti bo‘lib o‘tdi.
“O‘zbekiston Sug‘urta to‘lovlarini kafolatlash jamg‘armasi davlatimiz tomonidan insonga ko‘rsatilayotgan g‘amxo‘rlik ramzidir: qiyin paytlarda har bir fuqaro yordam uning qonuniy huquqi sifatida kelishiga ishonch hosil qilishi mumkin. Bu tamoyil Yangi O‘zbekiston – ijtimoiy kafolatlar va fuqarolar ishonchi barqaror taraqqiyot poydevoriga aylangan mamlakat ruhini o‘zida mujassam etgan, – deydi jamg‘arma direktori Yormat Mirzayev.
IFIGSga a’zo mamlakatlar delegatsiyalari faol hamkorlikka tayyor ekanliklarini bildirdilar hamda Jamg‘armaning xalqaro bilim va amaliy tajriba almashinuvini rivojlantirish bo‘yicha tashabbuslarini qo‘llab-quvvatladilar.
IFIGSga qo‘shilish jahon sug‘urta hamjamiyatiga integratsiyalashuv va O‘zbekistonda sug‘urta qoplamasining zamonaviy standartlarini ilgari surish yo‘lidagi qadamdir.
Ma’lumot uchun: IFIGS (International Forum of Insurance Guarantee Schemes) – sug‘urta kafolatlari va kompensatsiya to‘lovlarini ta’minlovchi tashkilotlarning xalqaro assotsiatsiyasi. Forum Yevropa, Osiyo, Shimoliy Amerika, Yaqin Sharq va Afrikaning 26 davlatidan ishtirokchilarni jamlaydi va sug‘urtalovchilar huquqlarini himoya qilish bo‘yicha tajriba almashish va xalqaro standartlarni ishlab chiqish uchun asosiy platforma bo‘lib xizmat qiladi.
Idoraviy mansub tashkilotlar
