2023 yil 23 noyabr kuni O‘zbekiston Respublikasi Istiqbolli loyihalar milliy agentligi va OXMM (Ostona xalqaro moliyaviy markazi) moliyaviy xizmatlarni tartibga solish qo‘mitasi o‘rtasida kapital bozori, sug‘urta hamda kripto-aktivlar aylanmasi sohalarida hamkorlik, o‘zaro yordam va qo‘shma tashabbuslarni rivojlantirishga qaratilgan o‘zaro anglashuv memorandumi imzolandi.

OXMM moliyaviy xizmatlarni tartibga solish qo‘mitasi (Astana Financial Services Authority, AFSA) Ostonaning mustaqil regulyatori hisoblanadi. AFSA Markazning moliyaviy va yordamchi xizmatlarini ko‘rsatuvchi ishtirokchilari faoliyatni, shuningdek OXMM hududida kapital bozorlaridagi faoliyatni tartibga soladi.

Tomonlar risklarni aniqlash, qimmatli qog‘ozlar, sug‘urta va kripto-aktivlar bozorini nazorat qilish bo‘yicha tajriba almashish, shuningdek, ushbu sohalarda qo‘shma ilmiy-tadqiqot va ta’lim loyihalarini amalga oshirish bo‘yicha hamkorlik faoliyatining aniq rejasini ishlab chiqish va tasdiqlash niyatida.

“Bugungi anglashuv memorandumining imzolanishi O‘zbekiston va Qozog‘istonda qimmatli qog‘ozlar, sug‘urta va kripto-aktivlar bozorini yanada rivojlantirish, tartibga solish va nazorat qilish bo‘yicha umumiy yondashuvlarni ishlab chiqishda o‘zaro hamkorlik va tajriba almashishni kuchaytirishga yordam berishiga ishonchim komil”, — dedi Istiqbolli loyihalar milliy agentligi direktorning birinchi o‘rinbosari Vyacheslav Pak.