Toshkentda O‘zbekiston Respublikasi Istiqbolli loyihalar milliy agentligi (Agentlik), BMTTDning O‘zbekistondagi vakolatxonasi hamda Sug‘urta bozori professional ishtirokchilari assotsiatsiyasi bilan hamkorlikda sug‘urta sektori mutaxassislari uchun “ Solvency II direktivasiga kirish” nomli ikki kunlik trening o‘z ishini boshladi. 

Treningning asosiy maqsadi hukumat va sug‘urta tashkilotlari darajasida O‘zbekiston sug‘urta bozori ishtirokchilarining Solvency II direktivasini tushunish asosida institutsional tizim, jarayonlar va boshqaruvni mustahkamlashdan iborat. Treningning maqsadi sug‘urta sohasining Solvency II direktivasiga muvofiqligini tushunish va yanada rivojlantirish qobiliyatini oshirishdir.

Treningni Yevropa Ittifoqida sug‘urta bozorini tartibga solish bo‘yicha katta tajribaga ega va Yevropa Ittifoqi sug‘urtachilari uchun to‘lov qobiliyati talablarini ishlab chiquvchilardan biri professor Karel Van Xulle olib bormoqda.

Trening dasturi sug‘urtalovchilarni tartibga solish va nazorat qilishning muhim jihatlarini, o‘z risklarini baholash, to‘lov qobiliyati, ustav kapitali masalalarini va boshqalarni o‘z ichiga oladi.

Treningda sug‘urta tashkilotlari, Agentlik, Sug‘urta bozori professional ishtirokchilari uyushmasi va xususiy sektorning 40 dan ortiq vakillari ishtirok etdi.

Ma’lumot uchun: Trening Germaniya hukumati tomonidan moliyalashtiriladigan BMTTDning “O‘zbekistonda sug‘urta risklarini moliyalashtirish mexanizmi (IRFF)” global loyihasi doirasida qo‘llab-quvvatlangan bo‘lib, uning asosiy maqsadi loyiha ishtirokchi-davlatlarida sug‘urta bozorini rivojlantirishda qo‘llab-quvvatlash, shu jumladan sug‘urta polisini mamlakatni iqtisodiy rivojlantirish dasturiga integratsiyalash, inklyuziv sug‘urtani rivojlantirish, suveren risklarni, tabiiy ofatlar tavakkalchiligini moliyalashtirish, sug‘urta sohasiga qo‘shimcha investitsiyalarni jalb qilish va boshqalar.