Ўзбекистон Республикаси Истиқболли лойиҳалар миллий агентлиги -
лицензиялаш тартиб-қоидаларини тартибга солиш, лицензиялаш ва амалга ошириш учун масъул бўлган давлат органи
крипто активлари айланмаси, капитал бозори, суғурта, електрон тижорат, лотерея ташкилоти ва
букмекерлик фаолияти.
Ўзбекистон Республикаси Истиқболли лойиҳалар миллий агентлигида тадбиркорларнинг суғурта соҳасидаги мажбурий талаблардан хабардорлигини оширишга бағишланган семинар-тренинг ўтказилиб, унда суғурта компаниялари, Савдо-саноат палатаси ва бошқа идоралар вакиллари иштирок этди.
Тадбирда Ўзбекистон Республикаси Президентининг 2024 йил 14 ноябрдаги “Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида”ги 184-сонли Фармони ижроси бўйича ишлаб чиқилган суғурта бозорини тартибга солишда “Хавфни тахлил қилиш” электрон тизимини жорий этилиши, шунингдек, соҳага татбиқ этилаётган рақамли технологиялар тўғрисида тушунтиришлар берилди.
Семинар-тренингни Суғурта бозорини ривожлантириш ва рақамлаштириш бошқармаси бошлиғи ўринбосари Алишер Тошбоев олиб борди.
“Хавфни тахлил қилиш” электрон тизими суғурта бозори иштирокчиларида мавжуд хавфларни инсон омилисиз аниқлаш, суғуртага оид норматив-ҳуқуқий ҳужжатларга амал қилинишини ва фаолиятини шаффоф юритилишини таъминлаш мақсадида ишлаб чиқилган.
Мазкур электрон тизими суғурта ташкилотлари ҳамда суғурта қилдирувчи жисмоний ва юридик шахслар ўртасидаги муносабатларда (суғурта ҳодисаси бўйича суғурта товонини (тўловини) тўланишида) ижро интизомини мустаҳкамлаш ва суғурта қилдирувчиларнинг суғурта бозорига нисбатан ишончини ошириш орқали бозорни ривошлантириш принципларига асосланган.
Семинар-тренинг иштирокчилари тизим ишига оид, хусусан, автоматлаштирилган мезонларга балл бериш тартиби, баҳолаш натижасини эълон қилиб бориш, текширувлар даврийлиги каби йўналишларда саволлар бериб, мутаҳассислардан жавоблар олдилар.
Идоравий мансуб ташкилотлар
FAQ
