Истиқболли лойиҳалар миллий агентлигида “Раҳбар ва ёшлар” учрашуви доирасида директор ўринбосари Орифжон Файзиевнинг ёш ҳодимлар билан учрашуви бўлиб ўтди.

Самимий мулоқот тарзида ўтказилган учрашув аввалида директор ўринбосари Президентимиз томонидан ёшларни ҳимоялашга доир жорий этилган янги тизимнинг мазмун-моҳиятини яна бир бор атрофлича тушунтириб берди. 

Жуда қизғин ва сермазмун кечган суҳбатда фаол ёш ходимлар сўзга чиқиб, Агентликда ёшларга оид давлат сиёсати бўйича олиб борилаётган ишлар ҳақида фикр билдириб, ўз таклифларини ўртага ташлашди. Спорт машғулотлари, ёшлар ўртасида саводхонлик масаласи, китобхонликни кенг тарғиб қилиш, малака ошириш ва сиртқи бўлимларда олий маълумот олиш масалалари ўзаро муҳокама этилди.

Ёшлар яратилаётган имкониятлардан унумли фойдаланиб, ўзини тўла намоён этишга ишонч билдирдилар.

"Раҳбар ва ёшлар" туркумидаги учрашувлар турли ижтимоий муаммоларга тез ва ўз вақтида ечим топиш имконини бермоқда.