Истиқболли лойиҳалар миллий агентлигида Ўзбекистон Республикаси Президентининг 2023 йил 27 ноябрдаги «Коррупцияга қарши курашиш тизимини янада такомиллаштириш ҳамда давлат органлари ва ташкилотлари фаолияти устидан жамоатчилик назорати тизими самарадорлигини ошириш чора-тадбирлари тўғрисида»ги ПФ-200-сон Фармони моҳиятини тушунтиришга бағишланган ўқув семинари бўлиб ўтди.

Семинарни Коррупциянинг олдини олиш ва “комплаенс-назорат” тизимини жорий этиш бошқармаси масъул ходими Нодира Самандарова олиб борди.

Ўзбекистон Республикасида коррупцияга қарши курашиш соҳасида амалга оширилаётган ислоҳотлар, коррупцияга қарши курашиш агентлигининг соҳадаги ваколатлари, жумладан коррупцияга қарши курашишнинг халқаро ва миллий норматив-ҳуқуқий асослари ва амалиёти ҳақида семинар тингловчиларига маълумот берилди.

Иштирокчилар мавзу бўйича ўзларини қизиқтирган ҳамда иш фаолиятида юзага келаётган ҳолатлар юзасидан назарий ва амалий саволларга жавоблар олдилар.