Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикаси Истиқболли лойиҳалар миллий агентлиги (ИЛМА) ва SavvY Advisory (Буюк Британия) халқаро консалтинг компанияси ўртасида ўзаро англашув меморандуми имзоланди.
Ҳужжат томонлар ўртасидаги ҳамкорлик ва ўзаро ёрдамни ривожлантиришга қаратилган. Меморандум қуйидаги соҳаларда ҳамкорликни назарда тутади:
- маҳаллий корхоналарнинг молиявий саводхонлик халқаро стандартлари (МСХС)га ўтиши, шу жумладан кичик бизнес субъектлари учун мослаштирилган соддалаштирилган стандартларни ишлаб чиқиш бўйича ўрганиш ва хулосалар тайёрлашда кўмаклашиш;
- жаҳон амалиётини ҳисобга олган ҳолда бухгалтерия ҳисоби қонунчилигини ишлаб чиқиш ва ушбу соҳада миллий тартибга солишнинг энг мақбул ечимларини аниқлаш бўйича маслаҳат муҳокамаларида иштирок этиш;
- МСХС стандартларига мувофиқ Ягона корпоратив ахборот порталида (openinfo.uz) эмитент ҳисоботини интеграциялаш ечимларини излаш;
- 17 МСХС га ўтишга суғурта компанияларини тайёрлаш ва қўллаб-қувватлаш.
SavvY Advisory 10 йилдан ортиқ тажрибага эга бўлган халқаро консалтинг компанияси бўлиб, тартибга солувчи органларга МСХС ислоҳотлари бўйича маслаҳат бериб келади. Компания ўнлаб ташкилотларни миллий стандартлардан халқаро стандартларга ўтишда қўллаб-қувватлади ва бир қатор мамлакатларда, жумладан Грузияда кенг кўламли ислоҳотларни амалга оширишда ёрдам берди.
Идоравий мансуб ташкилотлар
