O‘zbekiston Respublikasi Istiqbolli loyihalar milliy agentligi -
kripto-aktivlar aylanmasi, kapital bozori, sug‘urta, elektron tijorat, lotereya tashkil etish va bukmekerlik faoliyati sohalarini tartibga solish, litsenziyalash va ruxsat berish tartib-taomillarini amalga oshirish bo‘yicha vakolatli davlat tashkiloti.
Vazirlar Mahkamasining “O‘zbekiston Respublikasi Prezidentining “Sug‘urta xizmatlari bozorini yanada rivojlantirishning kompleks chora-tadbirlari to‘g‘risida” 2024 yil 1 martdagi PQ–108-son qarori ijrosini ta’minlash chora-tadbirlari haqida”gi qarori (keyingi o‘rinlarda – qaror) qabul qilindi.
Qaror majburiy sug‘urta tizimini takomillashtirish, sug‘urta bozorining shaffofligini ta’minlash va sug‘urtalangan shaxslarning huquqlarini kuchaytirishga qaratilgan.
Qaror bilan:
aktuar hisob-kitoblar asosida sug‘urta tariflari qayta ko‘rib chiqilib, sug‘urta summalari va mukofotlari bozor tamoyillariga muvofiqlashtirildi.
2026 yil 1 yanvardan boshlab transport vositalari egalarining fuqarolik javobgarligini majburiy sug‘urta qilish bo‘yicha sug‘urta summasini 80 mln so‘mgacha (amalda 40 mln so‘m) oshirilishi belgilandi, bu o‘z navbatida YTH natijasida jabrlangan shaxslarning mol-mulkiga, hayotiga va sog‘lig‘iga yetkazilgan zarar miqdorini qoplash uchun yo‘naltiriladigan mablag‘ning bugungi kun talabiga mos ravishda bo‘lishiga xizmat qiladi.
Haydovchilar soniga qarab cheklangan va cheklanmagan polislarni rasmiylashtirish mexanizmi belgilandi. Bunda aybdor deb topilgan sug‘urta qildiruvchining sug‘urtalovchisi tomonidan sug‘urta da’volari va boshqa nizolarni ko‘rib chiqish tartibi aniqlashtirildi.
Mazkur qaror sug‘urta sohasidagi tizimli islohotlarning uzviy davomi bo‘lib, majburiy sug‘urta turlarini takomillashtirish, hujjatlashtirish va axborot almashinuvi mexanizmlarini raqamlashtirish orqali nazoratni kuchaytirishga qaratilgan.
Idoraviy mansub tashkilotlar
