O‘zbekiston Respublikasi istiqbolli loyihalar milliy agentligi binosida 20 kVt quvvatga ega quyosh fotoelektr stansiyasi o‘rnatildi. Mazkur qurilma Agentlik binosini kunduzi elektr energiyasi bilan ta’minlaydi.

Ta’kidlash joizki, ortiqcha elektr energiyasi hududiy elektr tarmoqlariga o‘tkaziladi.

Agentlik binosini o‘zining quyosh fotoelektr qurilmasi bilan jihozlash ishlari O‘zbekiston Respublikasi Prezidenti Sh.M.Mirziyoyevning topshirig‘i ijrosi yuzasidan muqobil energiya manbalari va energiya tejovchi texnologiyalardan foydalanishni yanada kengaytirishni ta’minlash maqsadida amalga oshirildi.