O‘zbekiston Respublikasi Istiqbolli loyihalar milliy agentligi (Agentlik) direktorining birinchi o‘rinbosari Vyacheslav Pak va BMT Taraqqiyot dasturining O‘zbekistondagi doimiy koordinatori etib tayinlangan Akiko Fudzii o‘rtasida uchrashuv bo‘lib o‘tdi.

Uchrashuvda tomonlar O‘zbekistonda kapital bozori va sug‘urta sektorini rivojlantirish bo‘yicha hamkorlikning asosiy yo‘nalishlarini muhokama qildilar.

Pak BMTTDga O‘zbekiston moliya bozorlarini rivojlantirishga qaratilgan islohotlarni amalga oshirishda faol qo‘llab-quvvatlagani uchun minnatdorlik bildirdi hamda hamkorlikni yanada chuqurlashtirish va qo‘shma tashabbuslarni rivojlantirish imkoniyatlariga to‘xtalib o‘tdi.

Akiko Fudzii BMTTD Agentlik bilan hamkorlikni davom ettirishga, jumladan, xodimlarning malakasini oshirishda ko‘maklashishga tayyorligini tasdiqladi. Shu bilan birga, u O‘zbekiston Respublikasining ilg‘or tajribasini ommalashtirishda BMTTD imkoniyatlaridan foydalanishni taklif qildi.