Mamlakatimizda Alisher Navoiyga ehtirom ko‘rsatish, adabiy me’rosini keng targ‘ib etishga katta e’tibor qaratilmoqda. Istiqbolli loyihalar milliy agentligida “Alisher Navoiy hayoti va ijodi” mavzusida ma’naviy-ma’rifiy tadbir bo‘lib o‘tdi.

Tadbir ulug‘ bobokalonimizning g‘azal va ruboiylari bilan boshlandi. Alisher Navoiyning bebaho ijodiy-ilmiy merosi nafaqat xalqimiz, balki jahon adabiyoti, milliy madaniyatimiz va adabiy-estetik tafakkurimiz rivojida alohida o‘rin tutishi ta’kidlandi. Tadbir davomida Navoiy ijodining betakror jihatlari, ulug‘ mutafakkirning yuksak insoniy fazilatlari xususida qiziqarli bahs munozaralar bo‘lib o‘tdi.

Shuningdek, buyuk mutafakkir yashagan davr, shoirning hayoti va ijodi, adabiy muhit, ustozlari, zamondoshlari va izdoshlari haqida qiziqarli tarixiy ma’lumotlari haqida so‘z bordi.