Истиқболли лойиҳалар миллий агентлигида “Ватанимга таянчман” мавзусида ватанпарварлик соати ўтказилди. Тадбир Ўзбекистон Республикаси Қуроллик Кучлари ташкил этилганлигининг 31 йиллигига бағишланади.

“Миллий армиямиз – Янги Ўзбекистоннинг мустаҳкам қалқонидир!” шиори остида ўтган тадбир халқ ва армия якдиллигини янада мустаҳкамлаш ҳамда ёшларни ватанпарварлик руҳида тарбиялаш мақсадида ташкил этилди.

Тадбир мобайнида Ватанга садоқат, миллий армиямизга қаратилаётган юксак эътибор, амалга оширилаётган изчил ислоҳотлар, шунингдек, ҳарбийликнинг шарафи ва масъулияти хусусида сўз юритилди.