Ўзбекистон Республикасининг “Суғурта фаолияти тўғрисида”ги Қонуни 47-моддаси ва “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 32-моддаси ҳамда Ўзбекистон Республикаси Вазирлар Маҳкамасининг 2022 йил 21 февралдаги 80-сонли қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомнинг 42-бандига мувофиқ Истиқболли лойиҳалар миллий агентлигининг қарорига асосан, “DD General Insurance” АЖ СТ суғурта фаолиятини амалга ошириш бўйича 2022 йил 25 февралда берилган, серияси SF 00034-сонли лицензияси 2023 йил 17 ноябрь санасидан бошлаб олти ой муддатга тўхтатилди.

Лицензия суғурта ташкилотининг ўз фаолиятидаги камчиликларни бартараф этиш, шу жумладан Ўзбекистон Республикаси суғурта фаолияти тўғрисидаги қонун ҳужжатларининг пруденциал талабларига мувофиқлаштириш зарурияти тўғрисидаги мурожаатига асосан тўхтатилди.

“DD General Insurance” АЖ СТ лицензиясининг амал қилишини тўхтатиб туриш муддати даврида янги суғурта (қайта суғурта) шартномаларини тузиш, амалдаги суғурта (қайта суғурта) шартномаларини узайтириш таъқиқланади. “DD General Insurance” АЖ СТ илгари тузилган суғурта (қайта суғурта) шартномалари бўйича ўз зиммасига олган мажбуриятларни белгиланган тартибда бажариши шарт.