Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикасининг “Суғурта фаолияти тўғрисида”ги Қонуни 47 - моддаcи, “Лицензиялаш, рухсат бериш ва хабардор қилиш тартиб-таомиллари тўғрисида”ги Қонуни 32-моддаси, Ўзбекистон Республикаси Вазирлар Маҳкамасининг 2022 йил 21 февралдаги 80-сонли қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги Ягона низомнинг 41-банди ҳамда Ўзбекистон Республикаси Истиқболли лойиҳалар миллий агентлигининг (кейинги ўринларда - Агентлик) тегишли қарорига асосан “SEMURG INSURANCE” АЖга суғурта фаолиятини амалга ошириш бўйича берилган 2025 йил 7 октябрдаги 1081744-сонли лицензия 2026 йил 19 январь санасидан бошлаб 10 кун муддатга тўхтатилди.
“SEMURG INSURANCE” АЖ лицензиясининг амал қилишини тўхтатиб туриш муддати даврида янги суғурта (қайта суғурта) шартномаларини тузиш, амалдаги суғурта (қайта суғурта) шартномаларини узайтириш таъқиқланади.
“SEMURG INSURANCE” АЖ илгари тузилган суғурта (қайта суғурта) шартномалари бўйича ўз зиммасига олган мажбуриятларни белгиланган тартибда бажариши шарт.
Шунингдек, Агентлик суғурта хизматлари истеъмолчиларини лицензия амал қилиши тўхтатилганга сабаб бўлган камчиликлар бартараф этгунга қадар бўлган давр мобайнида суғурта шартномаларини расмийлаштирмаслик бўйича огоҳлантиради.
Идоравий мансуб ташкилотлар
