Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикаси Истиқболли лойиҳалар миллий агентлиги (Агентлик) “Ўзбекистон Республикасининг Жиноят, Жиноят-процессуал кодексларига ва Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги ЎРҚ-899-сонли Ўзбекистон Республикаси Қонуни билан Ўзбекистон Республикасининг Жиноят кодексига ва Ўзбекистон Республикасининг Маъмурий жавобгарлик тўғрисидаги кодексига киритилган қўшимчалар 2024 йил 20 апрелдан эътиборан кучга киришини эслатиб ўтади.
Хусусан, крипто-активларнинг ноқонуний айланмаси ва ноқонуний майнинг фаолияти учун маъмурий ва жиноий жавобгарлик чоралари кучга киради.
Агентлик фуқароларни жавобгарликка тортилмаслик учун крипто-активлар билан боғлиқ операцияларни қонунчиликда белгиланган тартибда крипто-активлар айланмаси соҳасида хизмат кўрсатувчи миллий провайдерлар орқали амалга оширишга, шунингдек, майнинг фаолиятини амалдаги қонунчилик доирасида амалга оширишга чақиради.
Бундан ташқари, Агентлик крипто-активлар айланмаси соҳасидаги қонунчилик бузилишининг барча фактлари тўғрисидаги маълумотларни айбдор шахсларни белгиланган тартибда жавобгарликка тортиш учун дарҳол ҳуқуқни муҳофаза қилувчи органларга ўтказишини маълум қиламиз.
Агентлик крипто-активлар айланмаси соҳасидаги қонунчиликка қатъий риоя қилишни тавсия қилади.
Идоравий мансуб ташкилотлар
FAQ
