Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Истиқболли лойиҳалар миллий агентлигида ОТБнинг Марказий ва Ғарбий Осиё бўйича департаментининг Хусусий секторни ривожлантириш бўлимининг минтақавий раҳбари Энрико Пинали ва ОТБнинг Ўзбекистондаги ваколатхонасининг хусусий секторни ривожлантириш бўйича масъул ходими Адҳам Қўчқоров билан учрашув бўлиб ўтди.
Учрашувнинг асосий мавзуси Агентлик ва ОТБ ўртасида капитал бозорини ривожлантириш ва тартибга солиш соҳасида ҳамкорликни йўлга қўйиш, жумладан, капитал бозори тўғрисидаги қонун лойиҳасини ишлаб чиқишда кўмаклашиш, шунингдек, "яшил" молиявий воситалардан, хусусан, "яшил" корпоратив облигациялардан фойдаланишда турли ёндашувларни илгари суриш масалалари муҳокама қилинди.
Учрашув якунлари бўйича капитал бозорини ривожлантириш борасида ҳамкорликни ташкил этишнинг аниқ чора-тадбирлари белгиланди.
Идоравий мансуб ташкилотлар
FAQ
