Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Ўзбекистон Республикаси Истиқболли лойиҳалар миллий агентлиги томонидан Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан ҳамкорликда крипто-активлар айланмаси соҳасидаги хизматлар провайдерларининг масъул ходимлари учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш (ЖФОДЛ/ТМ/ОМҚҚТҚК) бўйича қонунчилик талабларига риоя этиш масалаларига бағишланган тренинг ташкил этилди.
Тадбир давомида Агентлик ва Департамент ходимлари томонидан ЖФОДЛ/ТМ/ОМҚҚТҚК соҳасидаги халқаро стандартлар (ФАТФ Тавсиялари) талаблари, шубҳали операциялар тўғрисида хабарларни жўнатиш ҳамда террорчилик фаолиятида ёки оммавий қирғин қуролини тарқатишда иштирок этаётган ёки иштирок этишда гумон қилинаётган шахслар рўйхати билан ишлаш тартиби, шунингдек, самарали ички назоратни ташкил этиш ва амалга оширишнинг бошқа жиҳатлари юзасидан тушунчалар бериб ўтилди.
Агентлик ЖФОДЛ/ТМ/ОМҚҚТҚК масалалари юзасидан крипто-активлар айланмаси соҳасида хизматлар провайдерлари ходимларининг малакасини ошириш бўйича ишларни давом эттиради.
Идоравий мансуб ташкилотлар
FAQ
