Тошкент давлат иқтисодиёт университетида капитал бозорини ривожлантиришга бағишланган Республика илмий-амалий конференцияси бўлиб ўтди. Конференцияда Ўзбекистон Республикаси Истиқболли лойиҳалар миллий агентлиги, Иқтисодиёт ва молия вазирлиги, Давлат активларини бошқариш агентлиги, “Тошкент” республика фонд биржаси, Марказий банк вакиллари ҳамда университет профессор-ўқитувчилари иштирок этдилар.

Мазкур конференциядан кўзланган мақсад капитал бозорини янада ривожлантириш ва унга маҳаллий ва хорижий инвесторларни жалб қилишни рағбатлатириш, мамлакат иқтисодиётида молиявий инструментларни кўпайтириш, шунингдек, келажакда капитал бозори айланмасини бир неча баробарга оширишдан иборат.