Директорнинг 2023 йил 13 сентябрдаги Буйруғи билан Ўзбекистон Республикаси Истиқболли лойиҳалар миллий агентлиги ҳузурида Капитал бозорини ривожлантириш бўйича маслаҳат кенгаши ташкил этилди.

Кенгашнинг асосий вазифалари этиб капитал бозори соҳасидаги тенденциялар ва муаммоларни муҳокама қилиш, капитал бозорининг профессионал иштирокчилари ва ваколатли орган ўртасида мулоқот ўрнатишга кўмаклашиш; бу борадаги ташаббуслар ва норматив-ҳуқуқий ҳужжатлар лойиҳаларини эксперт муҳокамаси белгиланди.

Кенгаш ўз фаолиятида капитал бозорини ривожлантириш бўйича таклиф ва тавсиялар ишлаб чиқади, қонун ҳужжатларини таҳлил қилади ва капитал бозори соҳасидаги хорижий мамлакатларнинг илғор тажрибасини ўрганади, қонунчиликни ривожлантириш ва такомиллаштириш бўйича таклифлар ишлаб чиқади, юқори малакали мутахассисларни консультант сифатида жалб этиш бўйича таклифлар киритади.