Ўзбекистон Республикаси Истиқболли лойиҳалар миллий агентлиги -
крипто-активлар айланмаси, капитал бозори, суғурта, электрон тижорат, лотерея ташкил этиш ва букмекерлик фаолияти соҳаларини тартибга солиш, лицензиялаш ва рухсат бериш тартиб-таомилларини амалга ошириш бўйича ваколатли давлат ташкилоти.
Бугун Ўзбекистон Республикаси Олий Мажлиси Қонунчилик палатасининг навбатдаги мажлисида “Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш ҳақида”ги қонун лойиҳаси кўриб чиқилди.
Ушбу Қонун билан Ўзбекистон Республикасининг Маъмурий жавобгарлик тўғрисидаги кодексига крипто-активлар айланмаси соҳасидаги қонунчилик ҳужжатларини бузганлик ва қонунга хилоф равишда майнинг фаолиятини амалга оширганлик учун маъмурий жавобгарликни назарда тутувчи қўшимчалар киритилмоқда. Шу билан бирга, Ўзбекистон Республикасининг Жиноят кодексига ҳам алоҳида моддалар билан крипто-активлар айланмаси соҳасидаги қонунчилик ҳужжатларини бузганлик ва қонунга хилоф равишда майнинг фаолиятини амалга оширганлик учун жиноий жавобгарлик белгиланмоқда.
Бундан ташқари, Қонун билан Ўзбекистон Республикасининг Жиноят-процессуал кодексига янги киритилаётган моддалар бўйича жиноят ишини тергов қилиш иш қўзғатган дастлабки тергов органи томонидан амалга оширилиши тўғрисида қўшимчалар киритилмоқда.
Қонун иккинчи ва учинчи ўқишда кўриб чиқилиб, тасдиқлаш учун Ўзбекистон Республикаси Олий Мажлиси Сенатига юборилди.
Идоравий мансуб ташкилотлар
FAQ
