Istiqbolli loyihalar milliy agentligi delegatsiyasi 2024 yilning 12-13-noyabr kunlari Ostona shahrida bo‘lib o‘tayotgan “Markaziy Osiyoda tabiiy ofatlar xavfi va sug‘urtasini moliyalashtirish” mintaqaviy konferensiyasida ishtirok etmoqda. Konferensiya Jahon banki tomonidan Ostona xalqaro moliya markazi bilan hamkorlikda tashkil etildi.

Anjumanda hukumatlar, xalqaro tashkilotlar, xususiy sektor va ilmiy doira vakillari tabiiy ofatlar xavfini boshqarish bo‘yicha dolzarb masalalar va ilg‘or tajribalarni muhokama qilish uchun yig‘ildi.

Konferensiya davomida iqlim o‘zgarishi va tabiiy ofatlarning tez-tez ko‘payishi sharoitida tobora dolzarb bo‘lib borayotgan tabiiy ofatlar bilan bog‘liq xavflarni moliyalashtirish va sug‘urta qilish bilan bog‘liq asosiy jihatlar muhokama qilindi.

Ishtirokchilar xavflarni boshqarishning yagona tizimini yaratish bo‘yicha Markaziy Osiyo davlatlarining sa’y-harakatlarini birlashtirish zarurligini ta’kidladilar. Qo‘shma tashabbuslar va davlatlar o‘rtasida tajriba almashish resurslarni optimallashtirish va tabiiy ofatlarga tayyorgarlikni yaxshilashga yordam beradi.

Konferensiya doirasida, shuningdek, ekspertlar turli mamlakatlarda tabiiy ofatlar xavfini moliyalashtirish bo‘yicha loyihalarning muvaffaqiyatli misollari bilan o‘rtoqlashadigan panel muhokamalari bo‘lib o‘tdi. Ishtirokchilar bilim va tajriba almashish mintaqaning tabiiy ofatlarga chidamliligini oshirishning asosiy omili ekanini ta’kidlab, bu boradagi hamkorlik va qo‘shma loyihalarni amalga oshirishga umid bildirdi.