O‘zbekiston Respublikasi Istiqbolli loyihalar milliy agentligi -
kripto-aktivlar aylanmasi, kapital bozori, sug‘urta, elektron tijorat, lotereya tashkil etish va bukmekerlik faoliyati sohalarini tartibga solish, litsenziyalash va ruxsat berish tartib-taomillarini amalga oshirish bo‘yicha vakolatli davlat tashkiloti.
2022 yil 1 noyabr kuni Toshkent shahridagi Singapur menejmentni rivojlantirish institutida “Agentlik rahbariyati hamda talabalar o‘rtasida O‘zbekiston Respublikasida kripto-aktivlar aylanmasi sohasini rivojlantirish masalalari” mavzusida uchrashuv bo‘lib o‘tdi.
Uchrashuv kripto-aktivlar aylanmasi sohasini rivojlantirish borasida O‘zbekistonda amalga oshirilayotgan islohotlarning mazmun-mohiyatini talabalarga yetkazish maqsadida tashkil etildi.
Jumladan, Agentlik rahbariyati tomonidan respublikada mazkur sohani tartibga soluvchi qabul qilingan normativ-huquqiy hujjatlar, shuningdek, mamlakatimizga investitsiyalarni jalb etishning yangi mexanizmlarini ishlab chiqish bo‘yicha ko‘rilayotgan chora-tadbirlar yuzasidan batafsil tushuntirishlar berildi.
Uchrashuv davomida Agentlik xodimlari tomonidan institut talabalari uchun taqdimot o‘tkazildi.
Talabalarni qiziqtirgan asosiy savollar O‘zbekiston Respublikasida kripto-aktivlar aylanmasi sohasida mayning faoliyatini tashkil etish, bu sohada xizmat ko‘rsatuvchi provayderlar, yaqin davrda kripto-aktivlar aylanmasi sohasida xizmatlar ko‘rsatuvchi xorijiy elektron platformalarga kirishning bloklanishi, o‘zgartirilmaydigan tokenlarni (NFT) yaratish va keyinchalik ularni kripto-aktivlar aylanmasiga chiqarish usullari yo‘nalishida bo‘ldi.
Uchrashuv yakuni bo‘yicha talabalar o‘zlarini qiziqtirgan barcha savollarga javob oldilar va ular tomonidan kelgusida ham bunday uchrashuvlarni tashkil etishni taklifi bildirildi.
Idoraviy mansub tashkilotlar
FAQ
